es wunderschoens guets oebli

und wiedermal ist eine wuche rum... stellet euch vor, ich bin scho sagehafti 3 moenet uf dere insel!!! unglaublich... oder!!!

mir gohts sowit wieder besser... ha letscht wuche wuerklich es chlises down kha und bin hoorscharf drvo gseh, das alles hizschmeisse und heime zcho. es isch momentan ganz es speziells clientele in dae hotels. ha mit schrecke muesse feststelle, das ich echt e katastrophe hotelpaket erhalte han. sprich 3 hotels, 3 problemhaeuser... suuuuuuuuuper!!! also isch echt herrlich gseh, mae wird vom morge frueh bis zobe spot eigentlich nur vo allne ecke zaeme gschiesse und beleidigt. also es brucht wuerklich wuerklich wuuuuuuuerklich viel nerve! aber ich halt mi immer irgendwie ueberem wasser obwohl i maengisch wuerklich au nuemi witer weiss.

zur zyt bin ich mim alte job treu.... stellet euch vor, ich han wieder e lehrtochter :-) soooooooooooooo toooooooll!!! macht richtig freud... wenigstens oebis wo i nit verlehrt han. sie macht ihri sach wuerklich gut. sie wird jetzt en monet uns uf dr arbeit begleite!!! mini neui nochberin... ha mega ab ihre muesse lache. sie het sich huet usebschlosse und ueber mi balkon wieder in ihri wohnig zrugg choene go. ach du meine guete... mir hei jo gestert alli e nacht kha... unse griechische nochber het gestert die glorrichi idee kha, e garteparty zmache. meeeeeine guete! also ich glaub e disco isch en scheiss drgege gseh.... hey die hei uns fertig gmacht... mit knallpistole, umegesinge, geschreie und zueallem ane hei sie so grilliert, dass mini wohnig in rauch umhuellt gseh isch... bin fascht verstickt. also das ganze het sich no bis am 5i am morge verschaerft. super nacht gseh! usserdem bin i teorrisiert worde vomene tuessigfuessler wo sich in minere wohnig breit macht und sich sit gestert hinterem kuehlschrank versteckt... ich krieg die kriese!!!

also letscht wuche isch glaub wuerklich mi tief gseh. ha en rechte inselkoller uf eimol au becho aber ufgrund dass ich am fritig endlich agfange ha mit tauche, het sich das alles es bitzeli gloest. bin zwar dr ganz tag dinne gsesse mit theorie zuetextet worde oder im pool am uebige mache... aber es isch glaub zum erste mol gseh sit dem ich do acho bin, wo ich mini gedanke ganz gloest han vom schaffe. ich bin voll im tauche dinne gseh. und ich freu mi abartig uf e noeggste fritig, obwohl i saege muess... es isch wuerklich es schraegs gfuehl unter wasser z atme. ha mi noni so ganz ganz drmit abgfasst und dene graet au wuerklich vertraue gschenkt. aber macht total viel spass!!! bin froh, dass ich das am mache bin... wuerklich! obwohl ich einisch wuerklich fascht ersoffe bin aber dr dimi het mi denn grettet ;-))))) am fritig gohts denn ins meer use... juuuuuhuuuuuuuuuuuuu!!!

usserdem ha i die wuche langs weekend... sprich am samstig doerf ich doch tatsaechlich uf santorini go... aaaaaaaaaahhhhh, ich freu mi so so so so so fescht. bin jo mol gspannt was mi doert alles erwarte wird. in santorini krieg ich den mi persoenlich fuehrer... naemlich mti eim wo ich dr tui grundkurs gmacht han in duetschland isch doert reiseleiter. sooooooooooo toll! mae kennt eifach uf jedere insel irgendoeber :-)

mini entscheidig betreffend dr zuekunft als reiseleiter ha i noni ganz gfaellt. krieg morn mini beurteilig und denn wird i mol mi wunschboge isende aber bin mir noni ganz sicher wie das ganze witer goht.... het irgendoeber en spezielle wunsch, wo er mi gern moecht cho bsueche ;-))))????

so meine lieben... mini kollege sind grad itrudlet... gang jetzt no uf es coroenchen und denn go schlummern. bin sooooooooooo muede!!!

en dicke schmutz und en riese knuddel

desi

p.s. nomol alles gueti fuer mini zwei fruesch vermaehlte, fabi und pius. han fescht fescht an euch denkt und ich hoffe wuerklich ihr heit en super und unvergessliche tag hinter euch. bin gspannt uf euri foetli und euches verzehle. haet di so gern im brautkleid welle gseh mis liebe cousindli, bin mir sicher du hesch wunder wunder wuuuuuunderschoen usgseh!!!