Jacky mein Held... Endlich neue fotos sind da!!!!

hello meine lieben

diesmol erschtmol en riese riese herzliche riiiiiiiiiiiiiiiiiiiiiese dank an mini maus!!!! das het bestens klappt mit dim päckli und em aku. mi fotiappartat funktioniert wieder iwandfrei und tüchtig wie früsch gebore. bisch en riese schatz. bin dir so dankbar. chasch dir gar nit vorstelle was ich jetzt alles so am umeknipse bin... d kamera isch immer schön bi mir im täschli öb bir arbeit oder wo au immer! ha so viel zum ufhole....

übrigends schrieb ich echt nie meh imene blog dass es langsam in alltag ikehrt oder dass nüt spektakulärs lauft... nämlich letschtmol wo i das wieder gschriebe han, bi ich am nöggzimmerli schte tag ins büro vo dr chefin gsendet worde mit dr nochricht vomene komplette hotelwechsel am morge. stellet euch vor, die hei mir mis golden beach weggno... guet, es het jo scho abartig gnervt aber ich ha echt jedes zimmer kennt. mein nach 4 mönet kennt mä es hotel mit angstellte in und uswendig. na ja, viel isch mir nit übrig bliebe... für mich eigentlich im positive sinn. ha e arbeitsentlastig becho will mini chefin gfunde het, dass es würklich ungerecht isch, dass ich über 2000 gäst betreu und mini kollege zwüsche 500-700 gäst. ha im gegesatz zue mim 3.5 stern hotel 2 riese bonze häuser in dr stadt kriegt. abartig geil... also echt! anstell dass mä jetzt uf em wc nur toilettepapier zum abtröchne findet, ha ich in dene hotels richtigi serviette. also bin total fasziniert.... drfür das muess i au säge, isch vorallem s eint hotel recht arogant. aber easy, mir werdes gseh was es bringe wird. weniger arbeit aber schwieriger und aspruchsvolleri gäst. isch okay, abwechslig schadet nit. es isch eifach so mega schnell gange. hüt isch mi erscht tag und vor 2 täg ha i mi mit dene hotels vertraut mache müsse.

so will jetzt aber nit no mehr schwaffle. has euch versproche... schick jetzt no es paar bildli!!

übrigends corinne, herzlichi gratulation zue dinere bestandene prüfig und dim diplom. vooooooll geil... wooooow, irgendwie cha i mi no dra erinnere wo mir in genf zämä gsesse sind und du vo dine plän über die schuel verzehlt hesch... ratz fatz und scho sind 4 johr ume. meine güte! bin super stolz uf dich und ich hoffe du au selber uf dich!!!!

druck euch ganz fescht und ha euch super lieb
desi