Und schon bald ist September.....

hello meine lieben

und wiedermal ist eine woche vorbei.... wie gohts euch allne?

bi mir isch sowit alles ganz okay... ich merk langsam dass ich immer wie müeder wird und d saison eifach nit recht abflacht im gegeteil nomol so richtig azieht im september.... AAAABER was ich ehrlich zue geh muess, isch das ich dä job je länger das zyt vergoht desto mehr spass macht. vorallem mini zwei neue hotels am morge sind eifach dr absoluti gipfel. mega toll zum schaffe... keini beschwerde, viel buchige und mega mega meeeeeeeeega tolli gäst. bin so froh, dass ich dä wechsel kha han!!!!

in dä letschte paar täg isch au wieder einiges passiert.... diesbezüglich zum ganze thema auto. (HAAAAASIIII, es isch mir jo wieder ein passiert..... du wirdsch dich köstlich drüber amüsiere!!!) ha i wieder emol fertig brocht, mi autoschlüssel im auto glo und ha natürlich türe zuegsperrt!!! heeeeeeeeeeeerlich! isch jo gar nit blöd gseh, das ganze ha i denn müsse wieder ifädle innerhalb vonere bstimmte zyt, do all mini sache und unterlage im auto dinne gseh sind und ich jo wieder in mini hotel witer go ha müsse. dr schock ha i erscht denn kha, wo i vo minere garage ghört han, dass dr ersatzschlüssel in heraklion isch und sie dä erscht hifahre müsse... wohlverstoh, heraklion liegt vo rethymnon ca. 1h entfernt... schoooooooooock, das goht nit! ha denn emene sone türbrecher heini müsse alüte, wo denn mi auto miteme chüssi wieder ufbrocht het.... jä jä jä, das isch e sach gseh... typisch, ha noni viel mehr us mine letschte erfahrige vo dr schwitz drzue glert.

ah jo, wenn mir grad drbi sind vo peinlichkeite.... mmmhhhh, wo ich mich im eint neue hotel ha müsse go vorstelle, isch mr doch promt dr allergrössti schämer uf dere insel passiert... bin vor dä auge vom ganze hotelmanagement d stege durab gfloge.... herrliche uftritt gseh, ich sägs euch!!!!

s tauche muess i leider bi ufs witere ussetze... mini tauchstation het irgendwie vorübergehend gschlosse. frog mi was dört genau passiert isch.... richtig drurig!!!! gang drfür dä fritig uf unsi katamaran fahrt. freu mi riesig druf endlich wieder emol en usflug zmache und öbis anders gseh... sowieso in nur 13 täg chöme endlich mini eltere und 1 wuche spöter mi schwösti mit em diego. meine güte, ich bin echt täg am zähle und ich freu mich unendlich öber vo däheim zgseh. würklich würklich würklich!!!!

by the way, es duet mir schrecklich leid, dass ich mich nüm so oft gmeldet han für diejenige wo mir mails gschriebe hei.... ich hoffe ich chume bald bald drzue. nit dass ich euch vergesse han, aber es isch immer no s zyt problemli wo ich mit mir umeführ.... nümi lang, no 2 mönet und denn bin ich wieder bi euch däheim und ich freu mi so fescht uf euch!!!!

ah jo, liebi evilein und pümi... meeeeerci vielmol für eure brief und karte. ha mi mega drüber gfreut und mini wohnig gseht langsam richtig bunt gschmückt vo euch us. es isch echt mega schön öbis vo euch zghöre. mini zwei lieblingslehrling... ha euch doch richtig usbildet ;-)

so meine lieben, ich druck euch alli ganz fescht und ha euch ganz doll lieb!!!!

küssi
desi